From Facebook of 馬家輝


警告:內文有粗言。


有冇搞__錯呀巴打你駛唔駛死得咁死黑色幽默? 你係唔係慌死大家唔記得你所以專登要搞埋0的咁0既0野? 你答我鴉, 喂, 羅志華。

報紙話你在整理貨倉時被從晝架上跌落0黎0的書責死, 世事有冇咁巧合呀大佬真係虧你做得出來。 賣了幾十年書, 賣到書店執笠, 獵犬終須山上喪, 書商終被書壓死, 雖然命短兼命苦, 但亦算係求仁得仁死而無憾, 至少, 香港開埠以來, 你可能係第一個被書壓死的倒閉書商, 歹命如此卻又好運如此, 真是教人哭笑不得。

0拿, 相識一場, 你都咪話我對你唔住。 「青文」結業當天, 門庭冷清, 只有我在下午六點趕頭趕命放下手中工作趕去書店探你, 一來幫你影拆招牌的紀念相, 二來買回早前託你訂購卻仍未買單的書, 我是「青文」的最後一個顧客, 呢句話, 係你親自講0既, 我受落。

當天進店, 你照例坐在櫃台旁面無表情地打電腦, 偶爾講個關於文人是非的冷笑話, 自己皮笑肉不笑, 滿臉瞧不起這個世界, 唯有講起太極, 精神來了, 雙眼發亮, 猛話要替我的版面寫一系列武術文章, 兼且要拉我倒塔咁早爬起身去跟你學太極。 我擰頭耍手道, 咪搞我, 生有時, 死有命, 要我咁早起身我寧願早0的歸西。

你看到了嗎, 羅志華? 你依家終於明我講乜啦? 0拿, 再講一次, 生有時, 死有命, 當日如果唔係書店執笠, 就唔會有咁多書塞嚮貨倉書架, 咁你今日就唔會被書活埋, 回頭細想, 執笠造就死亡, 執笠彷彿為了死亡, 當你以為執笠好慘, 更慘的原來尚在後頭, 人間萬事真係好__詭異。

拜拜啦, 羅志華。 去到天堂或地獄你應會繼續練太極, 唔該記住留番個 quota 俾我到時去搵你學0野, 係咁先啦, 你真係令我好__沮喪在這樣的一個寒冷下午。





另注:蘋果日報報導。















年廿八貨倉執貨14天後溢屍臭塌書山壓死小商人

【本報訊】大角嘴合桃街一幢工廠大廈昨晨揭發懷疑貨物壓死人事件,一名從事貨運代理的小商人,年廿八往上址一個面積約100呎的分租貨倉執貨時,疑因堆積如山的20多箱書籍與光碟傾倒塌下,把他活埋致死。事發14天後,工人難忍貨倉傳出的惡臭報警,消防員昨到場,在貨堆內找到事主的屍體。記者:張培生


 

警方消息稱,死者羅志華,45歲,從事深港兩地的貨運代理,近年住在內地。個多月前,他在大角嘴合桃街2號福星工廠大廈10樓一個廠房,租用一個面積約100呎左右的單位用作貨倉,放置一批等待付運的書籍、漫畫、光碟等物件。貨倉內除了放置寫字、風扇等家具外,尚有近百個載滿貨物的紙箱、膠箱,部份紙箱除了倚牆高外,亦放在寫字等家具上。

廣告

標籤:,

About Johncoal

莊炭頭,黑口黑面,體形龐大,在新區舊區中學任教新新學科。努力學習發聲,並以指導學生找出自己的聲線為業。

4 responses to “”

  1. Kursk says :

    oh my god….
    男人之間的情誼,有時候只能用粗口表達。
    好_懷念青文….

  2. tommyjonk says :

    妖,琴日我同事講比我聽有條友比書責死我仲笑左出黎,仲話我以後唔執輸…

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: