市建局與我

每次市建局有新聞,都會讓我心跳加速。

市建局建議活化旺角5條街道

唔明?「我地睇睇片哩…!」



唔認得?呢,咁多花,就梗係花墟啦。(同學們,那是你們的高中校服?)

夫人一見到這個動畫片段,「嘩,我去得花墟,都預左係點架啦…」「如果要像一個墟,不用搞那麼多,星期六日,就讓他們將花籃放上馬路,搞掂。」

「應該人車爭路的地方他們去整理,好似醫院咁應該整整齊齊咁又唔去整理…」

人地話招攬遊客嘛,我說。「還有很多本地花農嗎?你會去北海道買一棵薰衣草回來嗎?」

又唔會,所以,你啱。

據說這裏叫奶路臣街。tvb訪問了一個司機,講了我的心底話,「咁可以係邊度上落貨呢?」舊式大廈沒有幾個出入口,多數對著附近幾條大街,如果變成全日行人街,我又真的想不到可以在哪裏上貨?花墟的情況一樣,花墟的商戶其實有不少是做批發的,常常大批大批貨上落,接了單做十幾個花籃也要貨車出入吧。你這樣搞,人家怎做生意呢?

愛死他們。kursk兄話齋,市建局的「活化」策略基本很簡單:只要條街出左名,就搞。

喂,撞鬼,人家自己搞得好地地,你又何必「差」隻手埋去呢?市建局對自己最美的想像是,只要我們一掂,就可以點石成金。他們的信條是:裝修過的一定比原本的好,整整齊齊的又一定比亂的好;本地人自己搞的永遠不好,庶民根本沒有taste。

他們從來不信,也不尊重原本的居民對自己的成就,也不認同現在市民可以有自己喜歡的地方。(喜帖街也搞得;不如再搞條駱克道做建材街?)

旺角的魅力,多少就是因為人多和亂,不用到年宵也可以去趁墟。人車爭路早就預料到,而且旺角的交通黑點根本就不在這幾條行人常常走上馬路的幾條街:只因到了旺角,你明知到這是危險。

市建是要改善生活的。但在旺角,貨車和鏹水哪個危險?這樣的市建,難道會避免到鏹水的問題?

旺角就是sell雜亂。不信有人喜歡雜亂?試想想你去台北,去夜市是為了甚麼?是為了他們的攤檔夠衛生嗎?

市建局,我常常覺得自己患上左傾思想幼稚病,但你是讓我相信政府不應該干涉市場的最佳原因。

延伸閱讀:

擦邊球 ( 1, 2):印象中的旺角

活化是甚麼?(1,2)

廣告

標籤:

About Johncoal

莊炭頭,黑口黑面,體形龐大,在新區舊區中學任教新新學科。努力學習發聲,並以指導學生找出自己的聲線為業。

11 responses to “市建局與我”

  1. choiyan113 says :

    真係好似我地學校件高中校服=)

  2. chungpui says :

    市建局的一貫政策是:嘩呢度真係有特色喇~~不如我地拆咗佢囉!不過我都好想市建局快啲拆到黎我屋企(油麻地渡船角),宜家好多街坊都係咁諗,可惜我呢區冇特色。

  3. euyak says :

    @chungpui – 我覺得似係「嘩呢度真係有特色喇~~不如我地拆咗佢再畀返啲特色佢囉!」

  4. relgitsjg says :

    佢幫個五條街改既名, 先係經典.鳥語花香… orz.

  5. icarus_chak says :

    他們想把一碟魚生製成咸魚

  6. fongyun says :

    @chungpui – 「文字樓」都夠特色啦掛,起到咁既款香港第二度都唔多有。

  7. hystericireul says :

    到時落貨,空投啦!!!!

  8. smileooooooo says :

    有無諮詢會呢?

  9. Perennial_Loser says :

    揍個角度睇: 政府揩親嘅嘢多數撞板, 可能根本就係故意 – 衰咗就大條道理畀人話干預係唔好嘅, 然後攞正牌 “小政府"…同老美GOP套嘢, 異曲同工…

  10. Frostig says :

    @icarus_chak – Hahaha, good metaphor!!!    @fongyun – What is it?  Any more details for us ignorants?   

  11. fongyun says :

    @Frostig – try to check wikipedia in 八文大樓

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: