短打(4)特首話:「民主生活方式比民主制度重要」喎

短打(4)特首話:「民主生活方式比民主制度重要」喎

咁又係。民主的生活方式的一些表現方法,是真誠的進行諮詢,開放公共設施,資訊開放,新聞自由。我想問閣下幾時落區唔使人排隊,搞諮詢中英文文本兼備,局長以公職身份去左邊個智庫話番俾人知,政府總部記者採訪唔使咁鬼崇,攝記同保安可以和平共存?警察知道示威者不是洪水猛獸?

反正你們說自己多麼偉大光明而正確,我唔知幾時有檔案法,真係等你地呢班愛國愛港嘅人嘅一言一行,可以名流青史。

仲有仲有,民主的生活方式係假設人人平等,公平生活,丁權幾時徹?或者新界女性幾時有丁權?又或者幾時市區居民都有丁權?幾時土地發展嘅時候唔係剩係政府規劃,而係尊重埋居民嘅意見?政治難民又唔知幾時可以有一個有透明度嘅機制,知道自己嚟到香港喺生喺死?

民主的生活方式又包括有誠信地參與管治和公共事務。我又想知幾時啲茅台酒可以永遠消失?我更想知囤地和暗地裏還收租的官員幾時真正的和公權力撇除關係。我越來越想示威嘅人都唔會見到鏡頭俾人問到底你嚟做咩嘅時候,尷尷尬尬咁擰歪面。

民主的生活方式更表現在學術自由。何時大學校長的委任是清楚明白的?幾時可以讓大學生們嘗試主宰自己作為成年人的大學生活?大學研究怎樣才可以擺脫長官委任的困局?

我也想有民主的生活方式,所以我想盡責交稅準時之餘,不用悲哀自己不能在稅單上寫明自己啲稅用在哪裏。

廣告

About Johncoal

莊炭頭,黑口黑面,體形龐大,在新區舊區中學任教新新學科。努力學習發聲,並以指導學生找出自己的聲線為業。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: